2020. urte bukaeran, Algortako bikote gazte honten sukaldea diseinatu dugu. Etxeko gainontzeko espazioak berrituta zituzten baina sukaldeak 50 urte inguru zituen. Beraz, etxebizitza hau haien ametsetako etxe bihurtzeko jo eta ke lanean jarri ginen. Sukalde erreforma ikaragarria izan dugu Algortan.
Hasiera batetik, jabeek, sukaldeak izango zuen itxura eta nortasuna argi izan zuten. Kolore nagusiak beltza eta zuria izango ziren eta adreilu itxurako horma papera nahi zuten.
Hala ere, diseinuari dagokionez, gure aholkuak entzun eta aldaketa batzuk egin zituzten. Lurrerako, haritza aukeratu genuen, berotasuna eta kontraste ukitu bat emateko. Honela, altzari beltzak are gehiago nabarmenduko ziren. Era berean, entzimera beltza aholkatu genien, beheko altzariekin bat egiteko eta diseinuari jarraitasuna eskaintzeko.
Bestalde, sukaldearen antolakuntza eta banaketari dagokionez, hasiera batetik ados egon ginen. Ezkerraldean, sukaldatzeko ezinbesteko etxetresna elektriko guztiak ezarriko genituen, baita biltegiratze armairuak ere. Eskumalderako ordea, despentsa eta erratza eta garbiketa hornidurak gordetzeko armairu ezin hobeak diseinatu genituen. Era berean, horma honen zati handi bat libre utzi genuen, otorduak egiteko mahai eta aulkiak jarriz.
Azkenik, balkoirako pausua erraztuko zuen ate lerragarria ezarri genuen eta garbigailua balkoira atera genuen sukaldean espazioa aurrezteko helburuz.
Ametsetako sukaldeaz gozatu dezazuela espero dogu. Eskerrik asko gugan jarritako konfiantzagatik!
